जुम्ला । हिमा गाउँपालिकाका पुर्व अध्यक्ष स्वर्गीय रज बहादुर शाहीकाे सम्मानमा गाउँपालिकाले विदा दिने निर्णय गरेकाे छ । स्वर्गीय शाहीकाे सम्मानमा शाेक मनाउन आईतबार हिमा गाउँपालिका भित्रका स्वास्थ्य क्षेत्र बाहेक सामुदायिक विधालय,विषयगत कार्यालय लगायत सबै सरकारी क्षेत्रमा विदा दिने निर्णय भएकाे हिमाका अध्यक्ष लक्ष्मण बहादुर शाहीले बताए ।
उनले भने,”पुर्वअध्यक्ष शाहीकाे निधनले सिंहाे गाउँपालिका,जिल्ला शाेकमा छ । सबैका प्रिय व्यक्ति,कुसल सरल सहज स्वभावका राजनीतिज्ञ र संघियताकाे स्थानीय सरकारका संस्थागत जनप्रतिनिधि थिए । उनकाे सम्झना र सम्मानमा हामीले विदा दिने निर्णय गरेका हाै ।”
गाउँपालिका स्थित सम्पुर्ण कार्यालयमा १३ दिन सम्म शाेक पुस्तिका राखिने र १३ ओै दिनकाे पुण्य तिथिमा गाउँपालिकाले शाेकसभा आयाेजना गर्ने समेत निर्णय भएकाे अध्यक्ष लक्ष्मण शाहीले जानकारी दिए ।
पुर्वअध्यक्ष रज बहादुर शाहीकाे बैशाख १५ गते उपचारका क्रममा काेहलपुर मेडिकल कजेलमा मृत्यु भएकाे थियाे ।
