जुम्ला ः चन्दननाथ नगरपालिका – ६ का २९ वर्षीय किसन थापा सामुहिक कुटपिटले गम्भिर घाइते भएका छन् । घाइते थापाको कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा उपचार भइरहेको छ ।
घाइते थापाकी श्रीमति कमला थापाका अनुसार चन्ददननाथ नगरपालिका – ५ भारतीवाडामा कुटपिट भएको हो । उनले भनिन् स्थानीय धनश्याम थापा, प्रसान्त थापा, जीवन महतसहितका व्यक्तिहरुले सामुहिक धारिलो हतियार प्रयोग गरी साउन १३ गते कुटपिट गरेका हुन् । शरिरका विभिन्न भागमा गहिरो चोर रहेको छ ।
उनीहरु विरुद्ध जिल्ला प्रहरी कार्यालयमा उजुरी दिने तयारी गरेका छन् ।
जिल्ला प्रहरी कार्यालय जुम्लाका प्रहरी निरीक्षक भुवन भट्टका अनुसार घटना संलग्न शंका गरिएका व्यक्तिहरु फरार रहेका छन् । उनीहरुको खोजी कार्य जारी रहेको छ । पीडित पक्षबाट भने किटानी जारी भने प्रहरीमा आएको छैन ।
प्रकाशित मिति : २०७९ साउन १५ गते आइतवार
