चन्दननाथ नगरपालिका जुम्लाको डल्लो बजेट विनियोजन नहुदा चालु आर्थिक वर्षका पहिलो चौमासिक कार्यक्रम प्रभावित भएका छन् । जनप्रतिनिधिले डल्लो बजेट विनियोजन भईसकेको दावी गरेपनि कर्मचारीलाई कुन शिर्षक कति बजेट भन्ने जानकारी भएको र बजेट सिलिङ प्राप्त नभएको बताउने गरेका छन् ।
चालु आर्थिक वर्ष ०८०÷०८१ को बजेट समयमा विनियोजन नभएर औषधि खरिद नहुदा स्वास्थ्य संस्थामा औषधि अभाव देखिएको छ । नगरपालिका भित्रका १० वटामा एक बर्थिङसहित तीन वटा स्वास्थ्य चौकी, एक वटा सहरी स्वास्थ्य केन्द्र र पाँच वटा आधारभुत स्वास्थ्य सेवा केन्द्र रहेका छन् । यिनै स्वास्थ्य संस्थामा औषधि अभाव देखिएको हो । चालु आर्थिक वर्षको बजेट विनियोजन नहुदा समयमा औषधि खरिद नहुदा स्वास्थ्य संस्थामा औषधि अभाव देखिएको हो ।
स्वास्थ्य संस्थामा जिंक, आइरन, पारा सिटामोल औषधि अभाव रहेको चन्दननाथ नगरपालिका स्वास्थ्य शाखा जनस्वास्थ्य निरीक्षक क्षेत्रबहादुर महतले बताए । उनले भने स्वास्थ्य संस्थाबाट औषधिका माग फाराम आएका छन् । तर औषधि खरिद नभएको हुदा स्वास्थ्य संस्थामा औषधि पठाउन सकिएको छैन । यसको प्रमुख समस्या समयमा बजेट विनियोजन नभएका कारणले औषधि समय खरिद भएको छैन ।
स्वास्थ्य संस्था सञ्चालन गर्न समस्या भएको छ । साउन देखि यता ६ जना स्वास्थ्य संस्थामा प्रसुति भएका छन् । उनीहरुलाई यातायात भत्ता तीन हजार, प्रोटोकल अनुसार गर्भ चेकजाँच गरेबापत ८ सय र पोषण भत्ता दुई हजार गरी एक जनालाई पाँच हजार ८ सय रुपियाँ दिनुपर्ने हो । तर यो रकम पनि सुत्केरी महिलाले प्राप्त गर्न नसकेको जनस्वास्थ्य निरीक्षक महतले बताए । उनले भने दुई महिनादेखि कर्मचारीले तलव भत्ता पनि पाएका छैनन् । बच्चा र गर्भवती महिलालाई लिटोपिठो वितरण कार्यक्रम छ । नगरपालिकाले बजेट विनियोजन नगर्दा लिटोपिठो ढुवानीमा पनि समस्या भएको छ ।
चन्दननाथ नगरपालिका शिक्षा तथा खेलकुद शाखा प्रमुख खडानन्द चौलागाईले दुई महिनादेखि विद्यालयको दिवा खाजाको रकम पठाउन सकिएको छैन । उनले भने विद्यालयमा दैनिक उपभोग हुने दिवा खाजाको माग आएको छ । तर रकम पठाउन सकिएको छैन । यस्तै विद्यालयमा पठाउने शैक्षिक सामग्री, ह्रवाईड बोड मार्कर पनि पठाउन सकिएको छैन । शिक्षा शाखाको बजेट कति विनियोजन भएको हो । अहिलेसम्म जानकारी छैन ।
यस्तै चन्दननाथ नगरपालिका जुम्लामा महिला तथा बालबालिका शाखा, कृषि शाखा, पशु शाखा, शिक्षा तथा खेलकुद शाखा, स्वास्थ्य शाखा, विपद् व्यवस्थापन शाखा छन् । समयमा बजेट विनियोजन नहुदाँ यिनै सवै शाखाका पहिलो चौमासिक कार्यक्रम प्रभावित भएका छन् । शाखाका कर्मचारीलाई आफ्नो शाखाको कति बजेट छ भन्ने पनि जानकारी छैन । उनीहरु अन्यौलमा परेका छन् ।
चन्दननाथ नगरपालिकाले असार १० गते ५५ करोड १० लाख ८० हजार बजेट ल्याएको हो । समयमै लाएको चालु आर्थिक वर्षको बजेट असोजको पहिलो सातासम्म पनि डल्लो बजेट रहेको कर्मचारीले बताउने गरेका छन् । त्यो डल्लो बजेट अहिलेसम्म विनियोजन भएको छैन । समयमा बजेट विनियोजन नहुदा कुन कार्यक्रम र कुन शाखालाई कति बजेट भन्ने विषयमा कर्मचारी अन्यौलमा परेका छन् । जसका कारण सेवा प्रवाहमा समस्या देखिएको छ ।
चन्दननाथ नगरपालिका प्रमुख राजुसिंह कठायतले बजेट सवै विनियोजन भएको बताए । उनले भने केही बजेट मात्रै विनियोजन गर्न बाँकी छ । तर प्रमुख प्रशासकीय अधिकृत लामो समयदेखि काठमाडौँ रहेका हुनाले नयाँ आर्थिक वर्षको खाता सञ्चालन भएन । खाता सञ्चालन नहुदा समस्या भएको हो । अब असोज ४ गते नयाँ प्रमुख प्रशासकीय अधिकृत आउदै छन् । सामान्य प्रशासन मन्त्रालयबाट रमना लिईसक्नु भएको छ । अब हाकिम आउना वित्तिकै नयाँ खाता सञ्चालन हुन्छ । अनि नगरपालिकाका सवै क्रियाकलाव सञ्चालनमा आउने छन् ।
