जुम्ला । युवा पत्रकारिता पुरस्कार २०८० का लागि पत्रकार सागर परियार छनोट भएका छन् । युवा तथा खेलकुद मन्त्रालयले हरेक वर्ष प्रदान गर्ने उक्त पुरस्कारको लागि यश वर्ष पत्रकार परियारलाई छनौटमा पारेको हो ।
मन्त्रालयले आईतबार युवा पत्रकारिता पुरस्कारको लागि प्राप्त आवेदन मध्यबाट ५ जना पत्रकार छनाेट भएकाे सूचना प्रकाशन गरेकाे छ ।
पत्रकार सागर परियार विगत लामो समयदेखि जुम्लामा बसेर निरन्तर रूपमा कलम चलाउदै आएका छन् । उनले पत्रकारिता क्षेत्रमा करिब दशक बिताइसकेका छन् भने अझै पनि पत्रकारितामा सक्रिय रहेका छन् ।
उनले देशभर बाट आफ्नो नाम छनोट भएकोमा उनले खुसी व्यक्त गरेका छन् । यसले थप उर्जा थपेको उनी बताउँछन् ।
पत्रकार सागर परियार कारोबार राष्ट्रिय दैनिक ,रेडियो नेपालका जुम्ला संवाददाता हुन भने जुम्लाबाट सञ्चालित कर्णाली मिसन अनलाईन न्युज पोर्टलका प्रकाशक तथा प्रधानसम्पादक हुन् ।
