जुम्ला । जुम्लामा लागू औषध ‘ब्राउन सुगर’ सहित एक जनालाई पक्राउ गरिएकाे छ । चन्दननाथ नगरपालिका ४ मा अवस्थित एउटा सुन चाँदी पसलमा लागु औषध भेटिएपछि व्यापारीलाई पक्राउ गरि हिरासतमा राखिएकाे छ ।
बुधबार दिउँसो प्रहरीले विशेष सुचनाको आधारमा सननचाँदी पसलमै पुगेर लागु औषध बरामद गरेको छ । चन्दननाथ नगरपालिका-३ घर भई हाल चन्दननाथ-४ मा सुन चाँदीको व्यवसाय गर्दै आएका ३० वर्षीय मिन बहादुर सुनारको पसलमा लागु औषध भेटिएको डिएसपी छेदिलाल कामतीले जानकारी दिए।
प्रहरीका अनुसार सुन चाँदी पसल भित्र लुकाई छिपाई तिन पुरिया ब्राउन सुगर जस्तो देखिने लागु औषध राखिएको थियो । जसको तौल प्लास्टिक हटाई सुद्ध ८५० मिलि ग्राम रहेको छ।
सुनचाँदी पसलमा भेटिएको लागु औषध सहित उक्त सुनचाँदि पसलका संचालक मिन बहादुर सुनारलाई प्रहरीले पक्राउ गरी हिरासतमा राखेको छ।
प्रकाशित मिति : २०८१ साउन ९ गते बुधवार
