काठमान्डाै। प्रधानमन्त्री केपी शर्मा ओली कर्णाली स्वास्थ्य विज्ञान प्रतिष्ठान शिक्षण अस्पताल जुम्लाको कार्य सम्पादन प्रसंशायोग्य रहेको बताएका छन् ।
कर्णाली स्वास्थ्य विज्ञान प्रतिष्ठानको सभाको ११ औँ सिनेट बैठकलाई संबोधन गर्दै कुलपति समेत रहनु भएका प्रधानमन्त्री ओलीले दुर्गम कर्णालीमा स्वास्थ्य सेवा प्रवाह,अध्यायन तथा अनुसन्धानमा प्रतिष्ठानले गरेको काम प्रसंशनीय रहेको बताएका हुन ।
देश भरका सबै विश्व विद्यालयहरु नीति विधि विद्यान अनुसार संचालन हुनु पर्नेमा समेत प्रधानमन्त्री ओलीले जोड दिए । साथै कर्णाली प्रतिष्ठानद्धारा दैलेखको राकम कर्णालीमा संचालन हुने स्याटलाईट अस्पतालले कर्णाली संगै सुदुरपश्चिमका नागरिकले समेत सेवा पाउने उल्लेख गरे।
अहिले पनि सुत्केरी हुन नसकेर हेलिकप्टरमा उद्दार गर्नुपर्ने अबस्था रहेकोले राकममा गुणस्तरीय प्रसुती सेवा सेवा पनि संचालन समेत निर्देशन दिए ।
कर्णाली प्रतिष्ठानको स्थापनापछि कर्णालीका नागरिकले गुणस्तरीय स्वास्थ्य सेवा पाएको कुरा स्मरण गर्दै प्रधानमन्त्री ओलीले कर्णाली प्रतिष्ठानको विकास र विस्तारमा आफु सधै सकरात्मक भएको बताए ।
प्रतिष्ठानको सेवा विस्तार तथा पूर्वाधार विकासका लागि वर्तमान सरकार साथमा छ । प्रतिष्ठानका उपकुलपति डाक्टर मंगल रावलको कार्यसम्पादनको प्रसंशा गर्दै कुलपति ओलीले भने,‘बजेट अभाव नीति अभावले कर्णालीमा स्वास्थ्य सेवा र उपचारका काम रोकिनु हुन्न भन्ने मेरो मान्यता छ । राकममा अस्पताल संचालन गर्नेदेखी प्रतिष्ठानको स्तरोन्नति गर्ने सवालमा सरकार गम्भीर छ । ठोस कार्ययोजना सहित अघि बढेमा सरकारले साथ दिन्छ । प्रतिष्ठान मात्र नभई समग्र कर्णालीको विकासका लागि म पहिल्यैदेखी गम्भीर र चिन्तीत छु ।’
स्वास्थ्य मन्त्री प्रदिप पौडेलले देशका अन्य प्रतिष्ठान भन्दा कर्णाली स्वास्थ्य विज्ञान प्रतिष्ठानलाई विशेष लगानीमा प्रथामिकता दिनु पर्ने बताए । प्रतिष्ठानका सहकूलपति रहनु भएका स्वास्थ्य मन्त्री पौडेलले भौगोलिक रुपमा विकट कर्णालीको स्वास्थ्य क्षेत्रलाई माथि उठाउन उल्लेखीय भुमिका निर्वाह गरेको कर्णाली प्रतिष्ठानलाई अरु भन्दा प्रथामिकताका साथ लगानी गर्नु पर्नेमा जोड दिए ।
बैठकमा प्रतिष्ठानका उपकुलपति डाक्टर मंगलल रावलले आफ्नो चार वर्षे कार्यकालमा भएका प्रगतीहरु प्रस्तुत गरे । उक्त प्रगती प्रतिवेदन पारित गर्नुका साथै प्रधानमन्त्री र स्वास्थ्य मन्त्री याेजना आयाेगका सदस्यले प्रशंसा गरे ।
सिमित स्रोत साधनका बीच प्रतिष्ठानले कर्णाली सहित १३ जिल्लामा निरन्तर स्वास्थ्य सेवा प्रवाह गरिरहेको बताए।
प्रतिष्ठानका रजिष्टार नृपेन्द महतका अनुसार ११ औँ सिनेट बैठकमा विभिन्न ८ वटा प्रस्ताव उपर छलफल गरिएको थियो छ ।
बैठकबाट आठ वटै प्रस्ताव पारित भएको महतले जानकारी दिए । साथै कर्णाली प्रतिष्ठानका उपकूलपति डाक्टर मंगलले आफ्नो कार्यकालमा उत्कृष्ट काम गरेको भन्दै सिनेट बैठकबाटै धन्यबाद प्रस्ताव समेत पारित गरिएको छ । जुन अहिले सम्मकै पहिलो प्रस्ताव पनि हो ।
बैठकबाट राखिएका प्रस्तावहरु यस प्ररकार छन्
प्रस्ताव न १ः कणांनी स्वास्थ्य विज्ञान प्रतिष्ठानको हालसम्मको समीक्षा सहितको प्रगति प्रतिवेदनलाई पारित गरियोस
प्रस्ताव नं २ प्रतिष्ठानकाे आर्थिक वर्ष २०८१÷८२ का लागि प्रस्तावित वार्षिक कार्यक्रम सहितको बजेट पारित गरिवीन् भन्ने प्रस्ताव।
प्रस्ताब नं. ३ कणांनी स्वास्थ्य विज्ञान प्रतिष्ठानको आर्थिक वर्ष २०००÷०८१ को आन्तरिक लेखा परीक्षणकी प्रडिकेनलाई जानकारी गराउने प्रस्ताव।
प्रस्ताव नं. ४. दैलेख जिल्लाको राकम कणांनीमा ५० शैयाको स्याटालाईट अस्पताल संञ्चालन गर्ने कार्य–योजना अनुमोदन गरियोस् भन्ने प्रस्ताव।
प्रस्ताव नं. ५. कर्णाली स्वास्थ्य विज्ञान प्रतिष्ठानको रिक्त सभा सदस्याहरुको मनोनयन गरियोस् भन्ने प्रस्ताव।
प्रस्ताव नं. ६. कणांनी स्वास्थ्य विज्ञान प्रतिष्ठानको कर्मचारीका सेवा, शर्त र सुविधा सम्बन्धी नियमावली, २०६९ को बैठी संशोधन र विभिन्न निकाय तथा पदाधिकारीको बैठक संचालन, काम, कर्तव्य र अधिकार तथा पारिश्रमिक सुविधा सम्वन्धी नियमावली, २०६९ उपर सगोधन सम्वन्धमा ।
प्रस्ताव नं. ७ः प्रतिष्ठानको आर्थिक वर्ष २०६२÷०८३ का लागि प्रस्तावित बार्षिक कार्यक्रम सहितको बजेट पारित गरियोस् भन्ने प्रस्ताव ।
प्रस्ताव नं. ८ विविधः
