जुम्ला । कर्णाली प्रदेशकै अब्बल सावित हुँदै जुम्लाकाे चन्दननाथ बहुउद्देश्यीय सहकारी संस्था उत्कृष्ट सहकारी बनेकाे छ । सहकारीकाे मूल्य मान्यता र सिन्दान्तनुसार अघि बढ्दै सदस्यहरुकाे उत्थान,उत्पादन बृद्दि,उत्पादनशील क्षेत्रमा पूजी लगानी र रैथाने उत्पादनकाे बजारीकरणमा उल्लेखीय काम गर्दै आएकाे चन्दननाथ बहुउद्देश्यीय सहकारी कर्णाली प्रदेशकै उत्कृष्ट घाेषित भएकाे हाे ।
राष्टि्य सहकारी महासंघले हरेक वर्ष प्रदान गर्ने उत्कृष्ट सहकारी व्यवसाय पुरस्कारमा कर्णाली प्रदेशबाट ‘उत्कृष्ट सहकारी पुरस्कार’ चन्दननाथ बहुउद्देश्यीय सहकारी संस्था लिमिडेटले पाउने भएकाे छ ।
छरिएर रहेकाे पूँजी संकलन गरि उत्पादन बृद्दि र सदस्यहरुकाे आयआर्जन तथा व्यवसायीकरणमा मुख्य प्रथामिकता दिएकाे चन्दननाथ सहकारीकाे कार्य सम्पादनलाई मुल्यांकन गर्दै राष्टि्य सहकारी महासंघले चन्दननाथ बहुउद्देश्यीय सहकारीलाइ कर्णालीकै उत्कृष्ट घाेषित गरेकाे हाे ।
भूमि व्यवस्था, सहकारी तथा गरिबी निवारण मन्त्रालय र राष्ट्रिय सहकारी महासंघले संयुक्त रुपमा आयोजना गरेको ६८औं राष्ट्रिय सहकारी दिवस तथा अन्तर्राष्ट्रिय सहकारी वर्ष २०२५ मूल समारोह कार्यक्रममा उत्कृष्ट घोषणा गरिएको छ ।
अन्तर्राष्ट्रिय सहकारी दिवसका अबसरमा पुरस्कार प्रदान गर्ने गरिने छ । देशमा एकातिर सहकारी ठगीका घटना बढीरहेकाे बेला अर्काे उत्कृष्ट काम गर्ने सहकारीलाई प्राेत्साहन गर्ने याेजनानुसार कर्णालीमा चन्दननाथ सहकारी अब्बल रहेकाे सहकारी महासंघका उपाध्यक्ष तथा पुरस्कार छनोट समितिका संयोजक डी.बी. बस्नेतले बताए ।
उनका अनुसार चन्दननाथ सहकारीले सदस्यहरुकाे उत्पादन बजारीकरण,उत्पादन बृद्दि,वित्तिय साक्षरता,वस्तु किनेर पैसा बचत गरिदिने जस्ता पृथक काम गरेकाेले उत्कष्ट घाेषित भएकाे छ ।
चन्दननाथ सहकारीले हाल करिब २७ हजार सदस्यहरलाई वित्तीय काराेबार प्रदान गरेकाे छ । भने सदस्यहरुकाे उत्पादनकाे प्रर्वद्दन गरिरहेकाे छ ।
सहकारीका सदस्यहरुलाई उत्पादनमा आर्कषित गरेकै कारण सहकारी मार्फत जुम्ला,सुर्खेत,काठमान्डाै लगायतका ठाउँमा अर्गानिक मिनि मार्केट समेत संचालनमा छन् । जसले वर्षामा ८/१० कराेड बढीकाे कृषि वस्तु विक्रि गर्दै आएकाे छ ।
चन्दननाथ बहुउद्देश्यीय सहकारी संस्थामा कुल २७ हजार सदस्य आवद्ध रहेकाेमा महिला सदस्य मात्रै १९ हजार छन् । महिलालाई वित्तिय पहुँचमा पुराउन समेत सहकारीले महत्वपूर्ण भूमिका खेलेकाे छ ।
चन्दननाथ बहुउद्देश्यीय सहकारी संस्था विगत लामाे समयदेखी रिसिराम पाण्डेकै नेतृत्वमा संचालित छ । उनकाे कुशल व्यवस्थापकीय याेजना, कर्मचारीहरुकाे सक्रियताकै कारण सहकारी उत्कृष्ट बनेकाे छ ।
उत्कृष्ट सहकारी घाेषणापछि सहकारीका व्यवस्थापक पाण्डेले कर्णाली मिसनसंग भने,’मेराे जीवनकाे उर्वर समयनै सहकारीमा खर्चेकाे छु । सहकारीप्रति सदस्यकाे अपनत्व बढाउन,पुँजी बढाउन,उत्पादन बढाउन र सदस्यलाई आत्मनिर्भर बनाउने हामीले सघिसारेका याेजना देशका विरलै सहकारीमा मात्र हाेला । नत्र कामका हिसाब हामी अघिनै छाै । हाम्राे कर्मकाे मुल्यांकन भयाे । पुरस्कारले अझै प्रभावकारी काम गर्नु पर्ने जिम्मेवारी थपियाे ।’
