डिएसपीलाई सामाग्री हस्तान्तरण गर्दै किर्डाकका कार्यकारी निर्देशक शाही । तस्बिरः कर्णाली मिसन
जुम्ला । जिल्ला प्रहरी कार्यालय जुम्ला अन्तरर्गत महिला तथा बालबालिका जेष्ठ नागरिक सेवामा ‘बाल निगरानी कक्ष’ स्थापना गर्नका लागि सामाग्री हस्तान्तरण गरिएको छ । सेभ द चिल्ड्रेनको आर्थिक सहयोगमा किर्डाक नेपालद्धारा संचालित सहयात्रा तेस्रो परियोजना मार्फत बाल निगरानी कक्षा स्थापनार्थ सामाग्री हस्तान्तरण गरिएको हो ।
विहिबार विहान आयोजित एक कार्यक्रकका बीच किर्डाक नेपालका कार्यकारी निर्देशक गोविन्द बहादुर शाहीले डिएसपी छेदिलाल कामतीलाई सामाग्री हस्तान्तरण गरेका हुन् । महिला तथा बालबालिका सेवा केन्द्र विभिन्न घटनामा संलग्न भई आमा संग आउने बालबालिकालाई बालमैत्री वाताबरणमा राख्न तथा बसाई व्यवस्थापनलाई थप सहज बनाउन कार्पेट,बल,मादल,खेलौना,खाना पकाउने कुँकर,पिपिफर्म,लगायतका २० प्ररकारका सामाग्री हस्तान्तरण गरिएको छ ।
किर्डाक नेपालका कार्यकारी निर्देशक गोबिन्द बहादुर शाहीले समाज शक्तिकरण तथा सिमान्तकृत समुदायको उत्थानका लागि किर्डाकले सुरुवातदेखिनै काम गरिरहेको बताए । बालबालिकाको विकास तथा समृद्धी किर्डाकको पहिलो प्रथामिकता हो । उनले भने,‘हामीले बालबालिको अधिकार प्रत्याभूति दिलाउनका लागि हामीले राज्यलाई उत्तरदायी बनाउने र शसक्तिकरणका कार्यक्रम गर्दै आएका छौ । महिला तथा बालबालिका सेवा केन्द्रमा आउने बालबालिकाका लागि मैत्रीपूर्ण वाताबरण बनाउन सामाग्री सहयोग गरेका छौ । यसले बालबालिकालाई राहत पुग्ने अपेक्षा छ ।’
माग र आबश्यकतालाई मध्यनजर गरी आगामी दिनमा अन्य सहयोग गर्न सकिने कार्यकारी निर्देशक शाहीको भनाई छ । डिएसपी छेदिलाल कामतीले प्रहरी एक्लैले शान्ति सुरक्षाको काम गर्न नसक्ने भन्दै आम नागरिकको साथ आबश्यक पर्ने बताए ।
उनले भने,‘घरेलु हिंस पिडित महिलाको सख्या बढ्दो छ । त्यसको असर बालबालिकामा पर्छ । महिला तथा बालबालिका सेवा केन्द्रमा बालमैत्री वातावरण सृजना गर्न हाम्रो,स्रोत साधनले भ्याएको छैन् । बालमैत्री कक्ष निर्माणको प्रयास गरिरहेका छौ । सहयोग प्राप्त भयो । अब सहज हुने आशा छ ।’
