समाचार सारांश
- दलितका लागि दलित अभियान नेपालले रुकुमको सोती हत्याकाण्डको विरोधमा काठमाडौंमा प्रदर्शन गरेको छ।
- शनिबार माइतीघरदेखि बबरमहलसम्म जातीय हिंसाविरुद्ध जनप्रदर्शन गरिएको थियो।
- जेठ १० गतेलाई उनीहरूले कालो दिनको रूपमा मनाउँछन्, जुन दिन रुकुम सोतीमा ६ जनाको हत्या भएको थियो।
काठमाडौँ । रुकुमको सोती हत्याकाण्ड सम्झिँदै दलितका लागि दलित अभियान नेपालले काठमाडौँमा प्रदर्शन गरेको छ । जातीय हिंसाविरुद्ध भन्दै उनीहरूले जनप्रदर्शन कार्यक्रम गरेका हुन् ।
शनिबार आयोजित सो र्याली माइतीघरदेखि बबरमहल आयोजना गरिएको थियो । ६ जनाको हत्या भएको दिन जेठ १० गतेलाई उनीहरूले कालो दिनको रूपमा मनाउने गरेका छन् ।
रुकुम पश्चिमको सोती गाउँमा ५ वर्षअघि अन्तर्जातीय प्रेम सम्बन्धको विषयलाई लिएर ६ जनाको हत्या भएको थियो ।
प्रकाशित मिति : २०८२ जेष्ठ १२ गते शनिवार
