नेपालगञ्ज। नेपालगञ्ज उपमहानगरपालिकामा अनिश्चितकालीन कर्फ्यु आदेश जारी गरिएको छ । सामाजिक सद्भाव एवम् धार्मिक सहिष्णुता खल्बलिने अवस्था आएपछि जिल्ला प्रशासन कार्यालय बाँकेले आज मध्यान्हदेखि अनिश्चितकालीन कर्फ्य आदेश जारी गरेको प्रमुख जिल्ला अधिकारी विपिन आचार्यले बताए ।
केही दिन यता नेपालगञ्जमा धार्मिक तनाव बढेको छ । दुई समुदायबीच बढेको तनावले उग्ररुप लिने अवस्था देखिएपछि कर्फ्य आदेश जारी गरिएको हो । नेपालगञ्जमा आइतबार मुस्लिमहरुले प्रदर्शन गरेका थिए भने आज हिन्दु समुदायले शक्ति प्रदर्शन गरेको छ । त्यसअघि आज विहान शान्ति र सद्भाव कायम गर्न आह्वान गर्दै सद्भाव र्याली निकालिएको थियो ।
प्रकाशित मिति : २०८० असोज १६ गते मङ्गलवार
