प्रतिनिधि सभाका विपक्षी दलहरूले सरकारलाई ९ बुँदे ध्यानाकर्षण गराएका छन्। आज बसेको नेपाली कांग्रेस, नेकपा एमाले र नेपाली कम्युनिस्ट पार्टीका प्रमुख सचेतकको संयुक्त बैठकले सुकुम्वासी समस्या, महंगी नियन्त्रणलगायतको विषयमा ध्यानाकर्षण गराएको हो।
बैठकले देशका विभिन्न स्थानमा सुकुम्वासी र अव्यवस्थित बसोबासी नागरिकको छानबिन, लगत सङ्कलन र पहिचान तथा वैकल्पिक आवासको व्यवस्था नगरी डोजर चलाएकोप्रति आपत्ति जनाएको छ। बैठकले सरकारको यस्तै रवैया तत्काल रोक्न माग गरेको छ।
बैठकले दैनिक उपभोग्य वस्तुमा मूल्यवृद्धि भएको भन्दै तत्काल महँगी र कालोबजारी नियन्त्रण गरी सुपथ मूल्यका पसल सञ्चालन गर्न माग गरेको छ।
प्रकाशित मिति : २०८३ बैशाख १८ गते बिहिवार
