जुम्ला ः नेकपा एमाले पार्टी जुम्लाले यहाँका एक नगरपालिका र ७ गाउँपालिकाका प्रमुख उपप्रमखका उम्मेदवार टुंगो लगाएको छ । चन्दननाथ नगरपालिका मेयर पदका लागि धर्मेन्द्र रोकाया र उपमेयर पदका लागि मेनका रेग्मीलाई उम्मेदवार बनाएको नेकपा एमाले केन्द्रीय सदस्य तथा इन्चार्ज रतननाथ योगीले बताए ।
बैशाख ११ गतेसम्म सवै पालिकाका प्रमुख उपप्रमुख उम्मेदवार टुंगो लागेको छ । केन्द्रीय सदस्य योगीले भने निर्वाचन आयोगको कार्य तालिका अनुसार भोलि बैशाख १२ गते मनोनयन पत्र दर्ता गर्ने तयारी गरिएको हो ।
यस्तै पातारासी गाउँपालिका अध्यक्ष सुकराम रावत र उपाध्यक्ष खम्मेनी महतारा उम्मेदवार हुन् । गुठीचौर गाउँपालिका अध्यक्षमा झुनमाया जैशी र उपाध्यक्षमा प्रेम बुढा, तातोपानी गाउँपालिकामा अध्यक्ष सुरत बहादुर शाही र उपाध्यक्ष ज्वाला चौलागाई, तिला गाउँपालिकामा अध्यक्ष रेशम बहादुर शाही र उपाध्यक्षमा जुनमाया बोहरा उम्मेदवार हुन् ।
हिमा गाउँपालिकामा अध्यक्ष जयबहादुर खत्री र उपाध्यक्ष भागिरती शाही, सिंजा गाउँपालिकामा अध्यक्ष सुमन आचार्य र उपाध्यक्षमा कल्पना बुढा, कनकासुन्दरी गाउँपालिकामा अध्यक्ष मानबहादुर रोकाया र उपाध्यक्ष देविसिता बुढा (रावत) उम्मेदवार हुन् ।
