जुम्ला । जुम्लाको पातारासी गाउँपालिका-६ वडीखोलीमा ट्याक्टर दुर्घटना हुँदा एक जनाको मृत्यु भएको छ भने ५ जना घाइते भएका छन्।
मृत्यु हुनेमा पातारासी-२ का अन्दाजी ५२ वर्षीय अमिर बोहोरा रहेको डिएसपी प्रल्हाद कार्किले बताए । उनका अनुसार चालक फरार रहेकाे र खाेजी कार्य जारी छ ।
यस्तै घाइते हुनेमा पातारासी-३ का २९ वर्षीय सुर बुढा, १२ वर्षीय सरिता बोहोरा, ५० वर्षीय लोग बहादुर बोहोरा, ३० वर्षीय मायादेवी बोहोरा र ५० वर्षीय परेक बोहोरा रहेका छन् ।
जुम्लाको सदरमुकामबाट लासी बजार जाने क्रममा ट्याक्टर दुर्घटना भएको हाे । कर्णाली प्रदेश ००२००१त ०४२७ नम्बरको ट्याक्टर दुर्घटना भएको प्रहरीले जनाएकाे छ ।
प्रकाशित मिति : २०७९ फाल्गुन ३ गते बुधवार
