जुम्ला । नेपाल तरुण दल जुम्लाकाे भर्खरै सार्वजनिक नयाँ कार्यसमिति गैर कानुनी रहेकाे भन्दै अध्यक्षका उम्मेदवारहरुले आपत्ती जनाएका छन् । निर्वाचन समितिले हेम बुढ्थापाकाे अध्यक्षतामा नयाँ कार्यसमिति सार्वजनिक गरेपछि अन्य पाँच जना अध्यक्षका उम्मेदवारले आपत्ती जनाएका हुन् ।
नयाँ कार्य समिति सार्वजनिक भएलगत्तै एक प्रेस विज्ञप्ती सार्वजनिक गर्दै अध्यक्षका पाँच जना उम्मेद्वार काँग्रेस पदाधिकारीकाे बैठककाे निर्णय विपरित निर्वाचन समितिले गैरकानुनी रुपमा कार्यसमिति सार्वजनिक गरेकाे उनिहरुकाे आराेप छ ।
अध्यक्षका उम्मेद्वार संजीव रावल,रतन बहादुर शाही,विरेन्द्र शाही,भरत बहादुर शाही र राजेन्द्र श्रेष्ठले विज्ञप्ती मार्फत आपत्ती जनाएका छन् ।
नेपाली काँग्रेसकाे पदाधिकारी स्तरीय बैठकले अध्यक्ष लगायत अन्य पदका आकांक्षी बीच सहमती जुट्न नसकेकाले निर्वाचन समितिलाई यथाशिघ्र निर्वाचन प्रक्रिया अघि बढाउने निर्देशन दिने निर्णय गरेकाे थियाे ।
तर निर्वाचन समितिले हेम बुढ्थापाकाे अध्यक्षतामा नयाँ कार्यसमिति सर्वसम्मत चयन भएकाे घाेषणा गरेपछि अन्य पाँच अध्यक्षका उम्मेदवारहरुले विज्ञप्ति मार्फत आपत्ती जनाएका हुन् ।
यो पनि पढ्नुहोस्…
