जुम्ला ः पूर्वराज्य मन्त्री तथा नेकपा नेता गोमा कुवँर र चन्दननाथ नगरपालिका प्रमुख कान्तिका सेजुवाललाई कोरोना संक्रमण देखिएको छ । पुर्वराज्य मन्त्री तथा नेकपा नेता कुवँर र नगरप्रमुख सेजुवालको शुक्रबार स्वाब संकलन गरी कर्णाली स्वास्थ्य विज्ञान प्रतिष्ठान शिक्षण अस्पतला जुम्लामा परीक्षण गर्दा शनिबार दुवै जनालाई कोरोना संक्रमण देखिएको हो ।
पूर्वराज्य मन्त्री कुवँरले भनिन् उच्च ज्वरो आउदा पीसीआर परीक्षण गर्दा कोरोना संक्रमण देखिएको हो । प्रत्यक्ष सम्पर्कमा रहने सवै महानुभावले सचेत रहन उनले आग्रह पनि गरेकी छन् ।
नगरप्रमुख सेजुवालका अनुसार कोरोना संक्रमण देखिए पनि अहिले कुनै पनि लक्ष्यण नदेखिएको छैन । संक्रमणबाट छिटै मुक्त भएर नागरिकका दैनिक काममा फर्किने विश्वास लिएको उनले बताईन ।
यसअघि कर्णाली प्रदेश सांसद दिनवन्धु श्रेष्ठ, प्रमुख जिल्ला अधिकारी भुपेन्द्र थापा, उद्योग बाणिज्य संघ जुम्ला अध्यक्ष रजवअलि मनियार, क्षेत्रिय होटल व्यवसायी संघका दिलबहादुर महत, शिक्षिक भगवति श्रेष्ठ, नेकपा युवा नेता जीवन बढ्थापा, हातोमालो जुम्ला निर्देशक टेक रावतलाई कोरोना संक्रमण भएको थियो । उनीहरु सवै जना कोरोना सक्रमणबाट मुक्त भईसकेका छन् ।
