जुम्ला ः नेपाल पत्रकार महासंघ शाखा जुम्लाकी उपाध्याक्ष तथा कर्णाली खबर डटकमकी समाचार दाता दिलमाया शाहीलाई कर्णाली प्रोत्साहन पत्रकारिता पुरस्कार प्रदान गरिएको छ । कर्णाली प्रदेशको जुम्लामा रहेर समाचार संकलन प्रशारण तथा प्रकाशनमा उत्कृष्ट भुमिका निर्वाह गरेको भन्दै शाहीलाई कर्णाली प्रोत्साहन पत्रकारिता पुरस्कार प्रदान गरिएको हो ।
यस्तै कर्णाली उत्कृष्ट पत्रकारिता पुरस्कार हुम्लाका राजन रावतलाई प्रदान गरिएको छ । कर्णालीको दुर्गम जिल्ला हुम्ला रहेर समाचार संकलन, प्रशारणमा उत्कृष्ट भुमिका निर्वाह गरेको भन्दै दोभान मल्टिमिडिया प्रालिले स्थापना गरेको कर्णाली उत्कृष्ट पत्रकारिता पुरस्कार रावतलाई प्रदान गरिएको जनाएको छ ।
रावतसँगै कर्णाली युवा पत्रकारिता पुरस्कार लोकेन्द्र विश्वकर्माले पाएका छन् । पुरस्कार सुर्खेतमा एक बृहत कार्यक्रम गरेर कर्णाली प्रदेशका मुख्यमन्त्री महेन्द्रबहादुर शाही, पर्यटन मन्त्री नन्दसिंह बुढा, उपसभामुख पुष्पा घर्तीले वितरण गरेका हुन् ।
रावत नेपाल पत्रकार महासँग हुम्लामा अध्यक्ष हुन् । भने, विश्वकर्मा जाजरकोटबाट पत्रकारिता थालेर काठमाडौंका अनलाइन, टेलिभिजनमा काम गर्दै अहिले कर्णालीखबर डटकमका समाचार संयोजकका रुपमा छन् । शाही जुम्लाकी क्रियाशिल पत्रकारसाथै नेपाल पत्रकार महासंघ जुम्लाकी उपाध्यक्ष हुन् ।
