जुम्ला । नेकपा माओबादी केन्द्रका अध्यक्ष पुष्पकमल दाहाल ‘प्रचण्ड’ले आगामी निर्वाचनपछि जुम्लाले मन्त्री पाउने बताउनु भएको छ । । प्रचण्डले जुम्लाकी महिला नेतृ गोमा कुवँरलाई संघको मन्त्री बनाउने घोषणा गर्नुभयो ।
तीन दलीय गठबन्धनद्धारा आयोजित चुनावी सभालाई सम्बोधन गर्न सोमबार जुम्ला पुगेका प्रचण्डले मंसिर ४ गते हुने प्रतिनिधि सभा तथा प्रदेश सभा सदस्यको निर्वाचनपछि जुम्लाकी महिला नेतृ गोमा कुवँरलाई संघको मन्त्री बनाउने घोषणा गर्नु भएको हो ।
भाषा,साहित्य,सभ्यता,संस्कृति र कृषि उत्पादनका हिसाबले आत्मनिर्भर कर्णाली प्रदेशलाई मुलुककै सृमद्ध प्रदेश बनाउन गठबन्धन सरकार गम्भीर रहेको उल्लेख गर्नुभयो । निर्वाचन पछि पनि गठबन्धनकै सरकार बन्ने सुनिश्चित भएकोले जुम्लाकी अब्बल महिला नेतृ कुँवरलाई संघको मन्त्री बनाईने छ ।
प्रचण्डले भन्नुभयो,“जुम्लाले मन्त्री पाएपछि कर्णाली राजमार्ग दुईलेनको निर्माण गर्नुका साथै यहाँको मार्सी,स्याउ,ओखरको बजार प्रर्बद्धन, खानेपानी,शिक्षा,स्वास्थ्य,सिचाईको विकास तथा पर्यटन प्रर्बद्धन,रोजगारी सृजना र समग्र जुम्लाको विकासमा टेवा पुग्ने छ । जसका लागि कर्णालीबाट गठबन्धनका सबै उम्मेदवारलाई जिताउन अपरिहार्य छ ।”
आगामी बजेटमा साविक कर्णालीको विकासलाई पहिलो प्रथामिकता दिईने प्रचण्डले आश्वासन दिए । कर्णालीबाट संविधान विरोधी,प्रतिगामी तत्वलाई पत्तासाप गरी गठबन्धनले दुईतिहाइको बहुमत ल्याउनेमा उनले विश्वास व्यक्त गर्नुभयो ।
गठबन्धन सरकार कर्णाली र सुदरपश्चिमको विकासका लागि विगतदेखि चिन्तीत रहेको बताउनुभयो । यो गठबन्धन मुलुक र जनताको हितका लागि भएको समेत प्रचण्डको दाबी छ ।
काँग्रेसका उपसभापति पुर्ण बहादुर खड्काले आगामी निर्वाचनपछि गठबन्धनकै सरकारले बन्ने ठोकुवा गर्नुभयो । कर्णालीबाट प्रतिगामी,संविधान विरोधी एमालेलाई शुन्य सिटको पराजय भोग्ने गरी गठबन्धनले बहुमत ल्याउनु पर्नेमा जोड दिनुभयो । सम्भावना भएर पनि गरिब कर्णालीलाई राज्यको मुल प्रवाहमा ल्याउन र यहाँका सम्भावनालाई अबसरमा बदल्न गठबन्धन सरकारको विकल्प नरहेको उपसभापति खड्काको भनाई छ ।
माओबादी नेतृ कुँवर यतिबेला गठबन्धनका तर्फबाट प्रतिनिधि सभा सदस्य उम्मेदवारका रुपमा चुनावी मैदानमा उत्रिएकी छन् । गठबन्धनबाट जुम्ला निर्वाचन क्षेत्र (क)मा ललितजंग शाही, निर्वाचन क्षेत्र (ख)का पदम रोकाया प्रदेश सभा सदस्यको उम्मेदवार हुन् ।
२०७० सालमा राज्य मन्त्री भईसकेकी कुँवर चुनाव जित्न काँग्रेस र समाजबादीको साथ रहको भन्दै संविधान कार्यान्वयन र जुम्लाको विकासका लागि गठबन्धनको जित सुनिश्चित रहेको बताउँनुहन्छ । मुलुकमा राजनीति स्थिरता कायम गर्न जुम्लाको कृषि पर्यटनको विकास र महिला सशक्तिकरणका लागि आफ्नो उम्मेदवारी रहेको कुँवरको भनाई छ ।
प्रत्यक्ष तर्फ कर्णालीकै पहिलो महिला उम्मेदवारका रुपमा इतिहार रच्ने अबसर प्राप्त भएकोले जनताबाट बहुमतले अनुमोदित दाबी गरिन् । त्यस्तै चुनावी सभामा प्रदेश (क)का उम्मेदवार ललित जंग शाही,प्रदेश (ख)का पदम रोकायाले प्रतिगामी शक्ति हराउँदै जुम्लामा तीन दलीय गठबन्धनले राम्रो जनमत पाएर जित्ने बताएका छन् ।
